HATAW! D'yaryo ng Bayan hatawtabloid.com
PATAY ang isang hinihinalang drug pusher makaraan makipagbarilan sa mga pulis habang arestado ang mag-live-in partner sa isinagawang anti-illegal drugs operation sa Caloocan City kahapon ng umaga.
Agad binawian ng buhay sa insidente si Joselito Regis, alyas Dagul, 25, ng Blk. 39, Lot 6, SalayaSalay St., Dagat-Dagatan, Brgy. 12, habang arestado si Arthur de Vera, 42, at live-in partner niyang si Josephine Gracia, 42, kapwa ng Salmon St. ng nasabing lugar.
Batay sa ulat nina SPO2 Frederick Manansala at PO3 Romel Bautista, dakong 10:30 am nagsagawa ng anti-illegal drugs operation ang mga pulis sa Salmon St.
Ngunit nakipagpalitan ng putok sa mga pulis si Regis na kanyang ikinamatay habang naaresto ang dalawa pang suspek.
(ROMMEL SALES)
