HATAW! D'yaryo ng Bayan hatawtabloid.com
SINAMPAHAN ng kasong illegal gambling/online betting sa Makati City Prosecutor’s Office ang 11 Chinese national na naaresto sa pagsalakay kamakailan ng mga tauhan ng Regional Police Intelligence Operation Unit (RPIOU) ng National Capital Region Police Office (NCRPO) sa isang condominium ng lungsod.
Ang mga suspek na nakapiit sa detention cell ng RPIOU ay kinilalang sina Chen Jinying, 25; Huang Liangfa, 21; Wu Bingsheng, 23; Lin Huadong, 26; Zhou Shengjian, 38; Wu Wenjie, 24; Lin Yuanqing, 17; Lin Changhui, 17; Zheng Zhimou, 27; Chen Jingwei, 21 at Xu Wei, pawang tubong Fujian, China.
Base sa ulat ng NCRPO, naaresto ang mga suspek sa pagsalakay ng RPIOU personnel sa isang hinihinalang illegal online gambling sa Unit 507, 5th floor at Unit 1211, 12th floor ng Makati Cinema Square Tower Condominium sa 1299 Chino Roces Avenue (dating Pasong Tamo), Brgy. Pio Del Pilar ng siyudad, parehong inuukupahan ni Xu Wei, isa ring Chinese national, at dalawang hindi pa nakilalang indibidwal dakong 7:08 pm.
(JAJA GARCIA)
