HATAW! D'yaryo ng Bayan hatawtabloid.com
NATAGPUANG walang buhay ang isang babeng sinasabing nagbebenta ng panandaliang aliw makaraan bugbugin ng kanyang kinakasama sa Plaza Lawton, Ermita, Maynila kamakalawa ng gabi.
Kinilala ang biktimang si Wheng Miranda, 33, residente ng Quezon City.
Samantala, isang alyas Natoy ang itinuturong suspek sa pagpatay, at inilarawang nasa 45-anyos, may taas na hanggang 5’9” at malaki ang katawan.
Sa imbestigasyon ni PO3 Aldeen Legaspi, dakong 7:30 pm nang bugbugin ng suspek ang biktima sa tabi ng Manila City Hall Engineering Office sa Plaza Lawton, sa Arroceros Street, Ermita, sakop ng Brgy. 659.
Hinala ng mga awtoridad, selos o love triangle ang posibleng motibo nang pagpatay sa biktima. (LEONARD BASILIO)
