HATAW! D'yaryo ng Bayan hatawtabloid.com
NATAGPUANG patay ang isang lalaking hinihinalang sangkot sa droga sa isang damuhan sa gilid ng kalsada sa Brgy. Taal, Bocaue, Bulacan kahapon ng madaling-araw.
Ayon sa ulat, ang biktima ay natagpuang balot ng packaging tape ang buong mukha at nakagapos ang mga kamay at paa.
Napag-alaman, may iniwanang karatula sa katawan ng biktima ang mga suspek na may hashtag ma “Sistemador kayo na ang susunod.”
Hindi pa tukoy ang pangalan ng biktima na may tattoo ng barbwire sa kanang braso at nakasuot ng itim na damit at maong shorts.
Sa inisyal na imbestigasyon ng Bocaue PNP, may tama ng saksak sa leeg at likod ang biktima.
(MICKA BAUTISTA)
