HATAW! D'yaryo ng Bayan hatawtabloid.com
LIMA, Peru – PINAGBIBITIW ni Pangulong Rodrigo Duterte ang mga opisyal ng Energy Regulatory Commission (ERC) makaraan ang report ng korupsiyon sa naturang ahensiya.
Kasunod ito ng ulat na nagpakamatay ang chairman ng Bids and Awards Committee, Francisco Villa Jr., dahil sa sinasabing panggigi-pit ng kanyang superiors na lumagda sa maano-malyang kontrata.
“I am demanding that they all resign. If they want to spare the humiliation of sitting there without the money, they resign and I will reorganize or rename…Silang lahat they have to resign,” pahayag ng Pangulo sa press briefing sa Melia Hotel bago umuwi ng bansa mula sa pagdalo sa 24th APEC Summit.
Bagama’t walang binanggit na pangalan, nais ng pangulo na agad sampahan ng kaso ang mga pinagbibitiw sa puwesto.
Hihilingin din ng Pa-ngulo sa Kongreso na i-disband ang ERC para sa pagpapatupad ng reorganization .
“They must resign. I have options: file a case against them all or demand that no money will be appropriated,” aniya.
Aminado ang pangulo na marami na siyang natatanggap na sumbong at kabilang dito ang pagkakaroon ng napakaraming consultants.
Giit ng Pangulo , hindi niya pahihintulutan ang ano mang uri ng anomalya sa kanyang pamunuan.
Nakatakdang magkaroon ng programa ang Pangulo sa PTV-4 na magsisilbing sumbu-ngan ng bayan.
( ROSE NOVENARIO )
