HATAW! D'yaryo ng Bayan hatawtabloid.com
BULTONG mga sangkap at kagamitan sa paggawa ng hinihinalang shabu ang kinompiska ng mga awtoridad kamakalawa ng umaga sa isang hinihinalang shabu lab/warehouse sa Apalit, Pampanga.
Ayon sa ulat mula sa Camp Olivas, nadiskobre ni Sheriff lV Enrique Calaguas ng RTC 3, Branch 79, Ma-lolos, Bulacan, ang mga bultong sangkap ng hinihinalang shabu dakong 9:00 am nang isilbi ang “writ of execution” ng civil case pabor sa Feedmix Specialist sa abandonadong warehouse na pag-aari ng mag-asawang Ngan Yiu Ting alyas Robert Gan at Lolita Gan, at isang Raymond T. Gan, pawang Chinese nationals, kaya agad ini-report sa pulisya.
Habang kinontak ng Apalit Municipal Police Station ang Scene of the Crime Operatives (SOCO) upang maproseso ang naturang mga kagamitan at sako-sakong hinihinalang mga sangkap.
Samantala, niutos ni PRO3 director, Chief Supt. Aaron Aquino ang masusing pag-iimbestiga sa natu-rang warehouse upang mapanagot ang mga suspek sa operasyon ng nabanggit na shabu lab.
( RAUL SUSCANO / LEONY AREVALO )
