Tserman patay sa ambush

MASUSING iniimbestighahan ng Manila Police District (MPD)-Crimes Against Persons Investigation Section (CAPIS) ang insidente nang pagpatay sa isang barangay chairman sa Tondo, Maynila kamakalawa.

Kinilala ang biktimang si Barangay Chairman Alberto Carpio, 57, ng Brgy. 100, Zone 8, at residente ng 124 Del Pilar Street, Magsaysay Village, Tondo, Maynila, pinagbabaril ng hindi nakilalang suspek dakong 4:40 pm sa Jacinto Street kanto ng Roxas Street, sa Magsaysay Village, Tondo.

Sa imbestigasyon ni PO3 Jorlan Taluban, naglalakad ang biktima sa lugar at naghahanap nang magandang lugar upang paglagyan nila ng Christmas tree nang biglang pagbabarilin ng mga suspek na lulan ng motorsiklo.

( LEONARD BASILIO )