HATAW! D'yaryo ng Bayan hatawtabloid.com
DALAWANG residente ang nasugatan at halos 40 pamilya ang nawalan ng tirahan sa nasunog na residential area sa Paranaque City kahapon ng umaga.
Kinilala ang mga biktimang sina Medina Vargas, 59, at Gilma Carasco, 39, kapwa ng Glenn St., Brgy. Moonwalk ng nasabing lungsod. Sila ay bahagyang nasugatan sa paa makaraan tumalon sa bakod habang nasusunog ang kanilang bahay.
Base sa inisyal na ulat ng Parañaque City Fire Department, dakong 9:30 am nang magsimula ang apoy sa loob ng bahay ng isang Ruby Alasama na inuupahan ng taxi driver na si Rolly Supitran, nasa hustong gulang, sa 1239 Haize St., Brgy. Moonwalk ng siyudad.
Agad kumalat ang apoy sa lugar at nadamay ang 20 kata-bing bahay na pawang gawa sa light materials.
Umabot sa ikalawang alarma ang sunog bago tuluyang naapula bandang 10:49 am.
( JAJA GARCIA )
