Vendor pinukpok sa ulo ng drug pusher

SUGATAN ang isang babaeng vendor nang pukpukin sa ulo ng isang lalaking hinihinalang drug pusher makaraan

pagbintangang police informer sa Tondo, Maynila kamakalawa.

Nilalapatan ng lunas sa Gat Andres Bonifacio Memorial Medical Center ang biktimang si Nancy Campollo, 46, residente ng 26 Magsaysay Street kanto ng Sampaloc Street, Tondo.

Samantala, nakatakas ang suspek na si alyas Muslim, residente ng Perla Street, Tondo, at sinasabing sangkot sa illegal drug activities sa lugar.

Batay sa ulat ni Supt. Redentor Ulsano, station commander ng Manila Police District (MPD)-Station 1 (Raxabago), nagtalo ang dalawa makaraan akusahan ng suspek ang biktima bilang informer ng mga pulis.

Dakong 2:15 pm kamakalawa, habang paalis ng kanilang bahay ang biktima ay biglang pinukpok ng suspek sa ulo ng matigas na bagay at pagkaraan ay tumakas.

( LEONARD BASILIO )