Binatilyo tigok sa jailguard

PATAY ang isang 18-anyos binatilyo nang mabaril ng isang lasing na jailguard makaraan sitahin ang mga kabataan at inatasang umuwi sa kanilang bahay sa Pasay City kahapon ng madaling-araw.

Kinilala ng pulisya ang biktimang si Juan Carlos Espinosa, merchandizer sa isang grocery store, residente ng Tomas St., Pasay City.

Nasa kustodiya ng pu-lisya ang suspek na si JO1 Errol Channas, nakatalaga sa Pasay City Jail Female Dormitory.

Sa ulat ng pulisya ,dakong 2:30 am, nang mapadaan ang lasing na suspek sa nag-uumpukang mga kabataan sa Tomas St. ng lungsod.

Sinita ng suspek ang mga kabataan at pinauwi ngunit habang pauwi ang biktima ay biglang pumutok ang baril na hawak ng jailguard at siya ay tinamaan.

Sa panig ng suspek, si-nabi niyang nag-warning shot siya ngunit hindi sina-sadyang tinamaan ang biktima.

( JAJA GARCIA )