Si ‘Digong’ ng Pasay police

SINO ang alyas ‘Digong’ sa Pasay City police station, na madalas magdala ng iba’t ibang babae sa isang kilalang motel, na hindi nagbabayad ng kanyang inokupang kuwarto?

Abusado ang pulis na umano’y ‘bata’ ng hepe ng nabanggit na pulisya.

Ginagamit umano ni ‘Digong’ ang kanyang hepe sa nasabing motel at pakilala ay ‘bata’ ni PNP Director Ronald  “Bato” de la Rosa ang kanyang hepe, kaya matigas pa sa bakal ang mukha ni Digong kung umasta!

***

Ayon sa aking impormante, itong si alyas “Digong” ay mayabang pa sa hepe, bukod sa abusado, ay nakikitang umiinom ng alak sa kubo na nasa harapan ng police headquarters sa hatinggabi. Bukod sa nakahambalang ang sasakyan sa daanan ng mga behikulo ng Mobile Patrol at mga nagtutungo sa Station Investigation Unit Management at sa City Jail.

Ibang klase talaga si ‘Digong’ ng Pasay police, hindi magandang ehemplo!

‘ANAY’ SA OLIVAREZ ADMINISTRATION

Dapat walisin ni Parañaque City Mayor Edwin Olivarez ang mga anay sa kanyang administrasyon, partikular ang mga taong gumagawa ng pera lingid sa kaalaman ng Alkalde. Sino siya? Isang tao na minsan ay mabait, minsan ay may topak. Paano kung mauna ang topak ng taong inaagrabiyado niya? Hindi muna natin papangalanan ang taong ‘yan, habang masusi kong nire-research ang background ng taong ‘yan!

Nakausap ng inyong lingkod si Mayor Edwin, dahil pakilala ng taong ‘yan, ay kamag-anak siya ni Mayor! Kamag-anak nga kaya o ginagamit lang ang salitang kamag-anak? Hindi ko lang alam kung ano ang alas na hawak ng taong ‘yan kay Meyor Edwin at hindi mailipat ng ibang dibisyon.

Dahil ‘anay’ sa administrasyong Olivarez!

ISUMBONG MO KAY DRAGON LADY – Amor Virata