HATAW! D'yaryo ng Bayan hatawtabloid.com
PALAISIPAN sa Muntinlupa City Police ang 13-anyos binatilyo na natagpuan ng kanyang nakatatandang kapatid habang nakabigti sa kanilang bahay kamakalawa sa Muntinlupa City.
Kinilala ang biktimang si Simon Sunga, grade 8 student, residente ng Kappiville Subdivision, Katihan, Brgy. Poblacion, ng nasabing siyudad .
Base sa ulat na nakarating kay Muntinlupa City Police chief, Senior Supt. Nicolas Salvador, natagpuan ng kapatid na si Roel, 17, dakong 11:00 pm si Larry habang nakabigti sa ikatlong palapag ng kanilang bahay.
Dagdag ni Roel, makaraan ang insidente, may isang hindi nakilalang lalaki ang nagtanong kung ano ang nangyari at napansin niyang noon lamang niya ito nakita sa kanilang lugar.
Naghinala siya sa naturang lalaki kaya agad niyang ipinagbigay-alam sa pulisya.
( JAJA GARCIA )
