Helper patay sa saksak ng tomboy

PATAY ang isang 21-anyos helper nang saksakin ng isang tomboy makaraan umawat sa away sa Tondo, Maynila kamakalawa ng gabi.

Hindi na umabot nang buhay sa Gat Andres Bonifacio Memorial Medical Center ang biktimang si Jhaymar Diaz, 21, residente sa Gate 16, Area D, Parola Compound, Tondo, Maynila

Habang tinutugis ng mga awtoridad ang suspek na kinilala lamang sa alyas na Tosong, isang tomboy, residente ng Gate 14, Parola Compound, Tondo.

Sa imbestigasyon ni SPO3 Milbert Balinggan, imbestigador ng Manila Police District (MPD), nakikipag-inoman ang biktima sa mga kaibigan dakong 10:15 pm sa Gate 15 ng nasabing lugar nang mag-away ang dalawa sa mga nag-iinoman kaya inawat ni Diaz.

Ngunit habang pauwi na ang biktima sinundan siya ng suspek at nang abutan sa Gate 54, Area C, Parola Compound ay tinarakan sa likod at pagkaraan ay mabilis na tumakas.

( LEONARD BASILIO )