2 tulak todas, 4 arestado sa buy-bust

PATAY ang dalawang lalaking hinihinalang drug pusher makaraan makipagpalitan ng putok sa buy-bust operation ng mga awtoridad kamakalawa sa Tondo, Maynila.

Kinilala ang mga napatay na sina Erick Santos, residente ng 741 S. Trinidad Street, Tondo, Maynila, at Armando Reyes, 28, delivery boy, residente ng 651 Villa Fojas Street, Gagalangin, Tondo, Manila.

Habang arestado sa nasabing operasyon sina Joseph Alceso, 42; Jerry Boy Delima, 23; Bernardo Cabuhay, 29; at Julie Bautista, 35, pawang residente ng S. Trinidad Street.

( LEONARD BASILIO )