HATAW! D'yaryo ng Bayan hatawtabloid.com
PATAY ang isang lalaki habang tinamaan ng ligaw na bala ang isang babae habang natutulog makaraang pagbabarilin ng riding-in-tandem suspects sa Tondo, Maynila kahapon.
Kinilala ang biktimang namatay na si Nestor Mariano, 37, residente ng 126 Laurel Street, Don Bosco, Tondo, Maynila, habang tinamaan ng ligaw na bala sa hita si Teresita Brillantes, 51, residente ng 300 Coral St.,Tondo, Maynila, natutulog sa kanilang bahay nang mangyari ang insidente.
Ayon sa imbestigasyon ni SPO4 Glenzor Vallejo ng Manila Police District Homicide Section, dakong 12:10 am nang maganap ang insidente sa nabanggit na lugar.
Sinasabing naglalakad sa lugar ang biktima nang sundan ng mga suspek na lulan ng motorsiklo at siya ay pinagbabaril. Minalas na tinamaan din ng bala si Brillanes na natutulog sa kanyang bahay.
( LEONARD BASILIO )
