HATAW! D'yaryo ng Bayan hatawtabloid.com
PATAY ang apat hinihinalang tulak ng droga makaraan makipagpalitan ng putok sa mga pulis sa buy-bust operation sa magkahiwalay na lugar sa Maynila.
Agad binawian ng buhay ang mga suspek na sina alyas Khairo at alyas Bentong, residente sa Norzagaray St., Quiapo, sa buy-bust operation ng mga awtoridad sa nabanggit na lugar kahapon.
Ayon kay Major Michael Garcia, PCP Commander ng Barbosa , dakong 3:30 pm nang maganap ang insidente sa Room 301 ng Diamond Hotel sa Gunao St., kanto ng Norzagaray St., sa Quiapo.
Napag-alaman, nakatunog ang mga suspek na pulis ang katransaksiyon kaya nakipagbarilan sa mga awtoridad na humantong sa kanilang pagkamatay.
Samantala, dalawa pang hinihinalang drug pusher ang napatay ng mga pulis makaraan lumaban sa buy-bust operation kamakalawa sa magkahiwalay na lugar sa Maynila.
Kinilala ang mga napatay na sina Raymund Denullyn alyas Emong, 29, at Rogelio Altazano, alyas Rogie, 56-anyos.
( LEONARD BASILIO )
