AlDub Nation, watak-watak na

SINASABI na nga ba’t hindi maglalaon ay ang kanya-kanyang hukbo naman ng mga tagahanga ng magka-loveteam na sina Alden Richards at Maine Mendoza ang magsasabong na parang mga manok sa tupada.

Of late, “nagbabanatan” ang mga maka-Alden at maka-Yaya Dub bilang depensa sa kanilang respective idols. Teka, what has become of the so-called AlDub Nation na pinagtulungan nilang buuin noon?

Fragmented o watak-watak na ba ang “bansang” ito na hindi naman talaga matatagpuan sa mapa ng Pilipinas? Katulad din ba ng USSR ang Aldub nation at nagkanya-kanya na rin sila ng mga “mamamayan”?

Truth to be told, nauna naman kasing bina-bash si Alden ng mga umano’y tagasuporta ni Maine. But a good soul that he is, walang narinig kay Alden. Ever-supportive pa rin ang aktor sa tambalan nila ng biglang-sikat na social media dubsmasher.

Pero tapos na ang panahon ng pananahimik. Turn naman ngayon ng fans ni Alden na iganti ang kanilang idolo sa pagmamalabis nang maituturing na ginagawa sa kanya ng fans ni Maine.

Parang itinayming naman ng dalawang nagkakaalitang grupo ang “the end” ng kalyeserye ng AlDub sa Eat Bulaga, pero bakit hindi pa noon nagkaroon ng outbreak of war, ‘ika nga?

In fairness sa fans ni Alden, it just appears na nirespeto lang nila ang tambalan, waiting for the right time na sila naman ang reresbak laban sa ginagawa ng kampo ni Maine.

All told, hindi ito isang magandang indikasyon, that is, kung nais pang maisalba ang pahina na nang pahina nang hatak ng AlDub

Eh, kung sa mga perishable goods nga, may date of expiration, eto pa kayang tambalang ito na mabuti-buti nga’t inabot pa ng isang taon, ‘no?! ( RONNIE CARRASCO III )