6 drug suspect utas sa Maynila

ANIM katao na hinihinalang sangkot sa droga ang namatay sa loob ng pitong oras sa magkakahiwalay na insidente sa Maynila kamakalawa.

Kinilala ang unang napatay na si Nora Lintag, 42, vendor, binaril ng dalawang hindi nakilalang lalaking lulan ng motorsiklo habang nakikipag-inoman sa Port Area, Maynila.

Kasunod na namatay ang isang 23-anyos pedicab driver na si Asrap Dalanda makaraan barilin ng hindi nakilalang lalaki habang naghihintay ng pasahero sa Port Area, Maynila.

Habang namatay ang isang alyas Buko makaraan lumaban sa mga pulis sa buy-bust operation sa Tondo, Maynila.

Sa Malate, Maynila, binawian ng buhay si alyas Greggy makaraan makipagpalitan ng putok sa mga pulis sa buy-bust operation, habang sugatan ang kasama niyang si Francisco Maneja Jr., 28-anyos.

Makalipas ang ilang oras, napatay ng mga pulis nang makipagbarilan ang mag-amang sina Dante Petate Sr., at Dante Petate, Jr. nang tangkang arestohin ng mga awtoridad sa bisa ng warrant of arrest.

( LEONARD BASILIO, may kasamang ulat ni Julyn Formaran )