HATAW! D'yaryo ng Bayan hatawtabloid.com
PATAY ang apat lalaking hinihinalang sangkot sa ilegal na droga makaran lumaban sa mga pulis nang maaktohan habang nagsasagawa ng pot session sa ilang barong-barong sa Parola Compound, Binondo, Maynila kahapon.
Kinilala ang mga napatay na sina Gerry Bon Tagalog, alyas Jonjon, alyas Mar Barquillo, at alyas Jessie Panis, pawang may gulang na 40 hanggang 45-anyos.
Batay sa sketchy report ng Manila Police District (MPD) Station 11 (Binondo), nabatid na isa-isang kinatok ng mga pulis ang mga barong-barong sa nabanggit na lugar ngunit lumaban ang mga suspek kaya pinagbabaril ng mga awtoridad.
( LEONARD BASILIO, may kasamang ulat ni Julyn Formaran )
