Tulalang babae naligis ng tren

NAKALADKAD ng ilang metro ang isang 41-anyos babaeng sinasabing may diperensiya sa pag-iisip, bago tuluyang namatay makaraan mabangga nang rumaragasang tren ng Philippine National Railways (PNR) habang naglalakad sa riles sa Sampaloc, Maynila kamakalawa ng umaga.

Ayon kay PO2 Benito Mateo, imbestigador ng Manila District Traffic Enforcement Unit (MDTEU), ang biktima ay si Marlene Macapagal, residente ng 1732 Mindanao Avenue, Sampaloc, Maynila.

Ang biktima ay kinilala ng kanyang live-in partner na si Roberto Alberto.

Nabatid na dakong 11:49 am nang maganap ang insidente sa southbound lane ng PNR railroad sa pagitan ng G. Tuazon at Espana Stations sa Sta. Mesa, Maynila.

Ayon sa testigong si Joan Bisbal, 29, habang naglalakad sa riles ang biktima ay hindi napansin ang paparating na tren na bumundol sa kanya.

( LEONARD BASILIO )