HATAW! D'yaryo ng Bayan hatawtabloid.com
NAPATAY sa buy-bust operation ang isang jeepney driver na sinasabing nagbebenta ng illegal na droga sa apat na bayan sa Bulacan.
Batay sa ulat, lulan ng kanyang jeep, napatay ang suspek na si Jimmy Boy Gruta sa bayan ng Sta. Maria, nang mahalatang pulis ang katransaksiyon at lumaban sa mga awtoridad.
Ayon sa pulisya, naglalako ng droga ang suspek habang pumapasada sa mga bayan ng San Jose del Monte, Bocaue, Sta. Maria, at Meycauayan.
Nakuha anila ang impormasyong ito mula sa mismong suki ni Gruta, na sumuko sa mga pulis sa naunang operasyon ng “Oplan Tokhang.”
Ilang linggo nilang minatyagan ang suspek hanggang masakote sa Bypass Road, Sta. Maria kamakalawa ng gabi.
( MICKA BAUTISTA )
