HATAW! D'yaryo ng Bayan hatawtabloid.com
PATAY ang isang dating tserman ng barangay makaraan barilin ng hindi nakilalang mga suspek sa tabi ng kanyang bahay sa Caloocan City kahapon ng umaga.
Hindi na umabot nang buhay sa Tala Hospital ang biktimang si Cesar Padilla, 57, residente sa Phase 6, Block 62, Lot 3, Package 3, Brgy. 176 ng nasabing lungsod.
Batay sa ulat ng pulisya, dakong 6:00 am nang maganap ang insidente sa bakanteng lote malapit sa bahay ni Padilla.
Napag-alaman, biglang dumating ang mga suspek na naka-bonnet at binaril ang biktima saka tumakas sakay ng isang motorsiklo.
Ayon kay Caloocan Police chief, S/Supt. Johnson Almazan, patuloy ang imbestigasyon ng mga pulis dahil naniniwala ang pamilya ng biktima na ‘politically motivated’ ang insidente bunsod nang planong pagtakbong muli ni Padilla nalalapit na ang eleksiyon. ( ROMMEL SALES )
