HATAW! D'yaryo ng Bayan hatawtabloid.com
PATAY ang dalawang hinihinalang karnaper nang makipagbarilin sa nagpapatrolyang mga pulis makaraan sitahin sa hinahatak na motorsiklo sa Tondo, Maynila kahapon ng madaling-araw.
Kinilala ang mga napatay sa alyas Sammy, 20-25 anyos, at alyas Intoy, 20-25-anyos.
Ang mga suspek ay binawian ng buhay habang isinusugod sa Ospital ng Tondo.
Sa imbestigasyon ni PO3 Dennis Turla ng Manila Police District-Homicide Section, dakong 2:45 am nang maganap ang insidente sa tapat ng M. Hizon Elementary School sa Jose Abad Santos St., Tondo.
Habang nagpapatrulya sina PO1 Zedrick Dumon at PO1 Jo Christian Isidro nang mamataan ang dalawang suspek na hinihila ang isang motorsiklo.
Sinita ng mga pulis ang mga suspek ngunit agad silang pinaputukan.
Gumanti ng putok ang mga pulis na ikinamatay ng dalawa.
( LEONARD BASILIO )
