Maine, numero-uno rin sa pamba-bash

“BAGANG” as in molar pala ang tawag kay Maine Mendoza ng isang malaking grupo ng mga tagahanga ng isang sikat na young actor.

Hindi na namin babanggitin pa ang pangalan ng aktor na ‘yon whose fans ay imbiyerna na rin sa anila’y kaangasan ng kalabtim ni Alden Richards.

Pero isa lang ang tiyak, ang anti-Maine na grupong ito—mula sa aming mapagkakatiwalaang source—ang umano’y responsible sa pangangalkal ng mga lumang tweets ni Yaya Dub.

Kabilang nga sa mga inilabas na old tweets na ito ni Maine ay ang ipinost niyang comment patungkol sa Tanging Ina movie ni Ai Ai de las Alas. Maine posted her comment, “Watching Tanging Ina…cornyyyy!!!!” noon pang March 2010.

Kung paniniwalaan, hindi pa man artista si Maine ay mahilig na siyang mag-bash, not realizing na many years later ay makakasama pa niya ang mismong bina-bash niya.

With this ay dapat kapulutan ito ng aral ni Maine as far as bashing on social media is concerned. Ipinagpuputok kasi niya ng butse ang mga basher niya gayong isa pala siyang de primerang basher a long time ago!

HOT, AW! – Ronnie Carrasco III