2 holdaper pumalag sa parak, tigbak

PATAY ang dalawang hindi nakilalang lalaking hinihinalang mga holdaper nang lumaban sa sumitang mga pulis sa Sampaloc, Maynila kahapon ng madaling-araw.

Sa imbestigasyon ni Senior Insp. Elias Dematera, commander ng Gulod Police Station ng Manila Police District, dakong 2:00 am nang mamataan nang nagpapatrolyang mga pulis ang mga suspek na tumalon sa center island malapit sa Altura Bridge sa Sampaloc.

Sinita ng mga pulis ang mga suspek ngunit nagbunot ng baril at nagpaputok sa mga awtoridad.

Bunsod nito, gumanti ng putok ang mga pulis na nagresulta sa pagkamatay ng mga suspek.

Naniniwala ang mga pulis na mga holdaper ang mga suspek dahil armado ng mga baril at balisong.

Bukod dito, may narekober ding tatlong plastic sachet ng shabu mula sa mga suspek.

( LEONARD BASILIO, may kasamang ulat nina Joana Cruz at Kimbee Yabut )