Rookie cop patay sa drug bust

CAMP OLIVAS, Pampanga – Patay ang isang rookie cop na sinasabing sangkot sa droga makaraan barilin ng mga pulis nang pumalag sa drug-bust sa Bocaue, Bulacan kamakalawa ng gabi.

Ayon kay Acting PRO3 Director, Chief Supt Aaron Aquino, lumaban ang suspek na si PO1 Franco Sagudang, dating miyembro ng Regional Public Safety Battalion, ng Brgy. Caingin, ng nasabing lugar.

Napag-alaman, dakong 10:00 pm, nagsagawa ang mga awtoridad ng drug-bust operation sa Eufemio Sanchez Alley ng nasabing barangay laban kay Sagudang at mga kasamahang sina Ramil Serrano, Evelyn Roque, Arlyn Gumasing, at Marites Dinalo.

Natunugan ng suspek na kabaro ang naka-deal kaya’t agad bumunot ng baril at pinutukan ang mga operatiba.

Gumanti ng putok ang mga awtoridad na nagresulta sa pagkamatay ni Sagudang habang nahuli ang mga kasamahan ng suspek.

Narekober ng mga pulis ang limang shachet ng shabu, marked money, at ang .38 revolver ng suspek.

( RAUL SUSCANO )