Manugang todas sa taga ng biyenan

TAGKAWAYAN, Quezon – Patay ang isang magsasaka nang tadtarin ng taga ng kanyang biyenan makaraan ang mainitang pagtatalo sa Brgy. Cagascas ng nasabing bayan kamakalawa.

Isinugod sa pagamutan ang biktimang si Roderick Gadia Regala, 41, ngunit sa daan pa lamang ay nalagutan ng hininga.

Mabilis na naaresto ang suspek na si Avelino Buendia Hernandez, 63, magsasaka, tubong Agdangan, Quezon, pansamantalang naninirahan sa nabanggit na lugar.

Sa inisyal na imbestigasyon ng pulisya, dakong 9:00 pm kamakalawa nang magtalo ang dalawa sa hindi malamang dahilan.

Pagkaraan ay kumuha ng jungle bolo ang suspek at pinagtataga ang biktima.

Nakapiit na sa lock-up jail ng lungsod ang suspek na kakasuhan ng homicide.

( RAFFY SARNATE )