CANDELARIA, Quezon – Patay ang isang obrero makaraan pagbabarilin ng hindi nakilalang suspek sa harap ng kanyang mga kainoman kamakalawa sa Brgy. Masin Norte ng bayang ito.
Sa report kay Quezon PNP provincial director, Senior Supt. Antonio C. Yarra, kinilala ang biktimang si Reynate Dimaunahan Bayta, 40-anyos.
Ayon sa ulat, dakong 10:30 pm, sa hindi malamang dahilan, biglang sumulpot ang hindi nakilalang suspek at pinagbabaril ang biktima sa harap ng kanyang mga kainoman.
( RAFFY SARNATE )
