LUCENA CITY – Arestado ang isang negosyante na sinasabing supplier ng ilegal na droga sa Alcala group, at dalawang iba pa sa operasyon ng mga awtoridad sa Itaska St., Phase 3, Pleasantville Sub., Brgy. Ilayang Iyam kamakalawa ng madaling araw.
Sa ulat kay QPPO director, Senior Supt. Antonio Yarra, kinilala ang mga nadakip na sina Chester Tan, 35, itinuro ng mag-amang sina Cirilo at Sahjid Alcala, na supplier ng shabu sa kanilang grupo.
Kabilang din sa naaresto sina Joseph Alva, 43, at Allan Frugal, 44, kapwa residente ng Atimonan, Quezon.
( RAFFY SARNATE )
