TUGUEGARAO CITY – Patay ang isang lalaki habang apat ang sugatan sa salpukan ng dalawang motorsiklo sa bayan ng Solana, Cagayan kamakalawa.
Kinilala ang namatay na si Edwardo Danga habang sugatan ang kanyang angkas na anak at apo.
Sugatan din ang lulan nang nakabanggaang motorsiklo na kapwa menor de edad.
Batay sa imbestigasyon, sinabi ni Police Senior Inspector Ronnie Labbao, hepe ng Solana-Philippine National Police, pauwi na sana sina Danga nang makasalpukan ang motorsiklo ng dalawang binatilyo.
