Kaso vs 6 ‘tanim-bala’ suspects sa NAIA ibinasura ng DoJ

IBINASURA ng Department of Justice (DoJ) ang reklamo ng American national na si Lane Michael White laban sa anim airport authorities na isinangkot sa ‘tanim-bala’ issue sa Ninoy Aquino International Airport (NAIA).

Ayon sa DoJ, walang nakitang probable cause para idiin sa kasong planting of evidence at robbery/extortion sina SPO2 Rolando Clarin, SPO4 Ramon Bernardino, Chief Insp. Adriano Junio at SPO2 Romy Navarro.

Gayondin sina Maria Elena Cena at Marvin Garcia ng Office of Transportation Security (OTS).

Sinasabing nabigo ang kampo ni White na makapaglahad nang sapat na ebidensya upang tuluyang kasuhan sa korte ang mga respondent.

Sa kabilang dako, balak iapela ng banyaga ang reklamo upang mahinto na aniya ang tanim bala sa NAIA terminals.