Archdioceses sangkot sa bilyon pisong Investment Scam? (Sa mining companies)

DAGUPAN CITY – Hinamon ni Dating Lingayen-Dagupan archbishop Oscar Cruz ang mga nag-aakusa na ilantad sa media ang listahan ng mga archdioces na may bilyon-pisong investment sa mining companies sa bansa.

Ayon kay Cruz, ito ay nakahihiya kaya dapat aksiyonan agad ng Catholic Bishop’s Conference of the Philippines (CBCP).

Paliwanag niya, ang obispo at arbispo ang mananagot kung ang pera ng diocese ay ipinupuhunan sa pagmimina.

Giit ni Cruz, may batas sa simbahan na may limitasyon kung magkanong halaga ang puwedeng gastusin mula sa limos ng mga tao.

Reaksiyon ito ni Cruz sa napaulat na may mga archdiocese na malaki ang investment sa mining companies partikular sa Visayas at Mindanao Region.