Ria Atayde, sobra ang katuwaan na mapasama sa MMK

ISA pang dream come true na mapasama sa Maalaala Mo Kaya ang anak nina Sylvia Sanchez at Papa Art Atayde na si Ria Atayde.

Sa asalto ni Ibyang (tawag kay Sylvia) namin nakatsikahan si Ria,”oh, Tita Reggee, another dream come true for me.  Finally, magkaka-’MMK (Maalaala Mo Kaya)’ na ako, thank God!”

Matagal ng pangarap ni Ria na magkaroon din siya ng episode sa MMK kaya naman noong ialok ito sa kanya ay talagang tuwang-tuwa siya to the max.

Sabi ni Ria, “halos lahat naman tita ‘di ba, pangarap na magkaroon ng ‘MMK’?”

Napanood una si Ria bilang Teacher Hope sa seryeng Ningning  ni Jana Agoncillo at maganda ang feedback sa kanya at nakita ring iyakin pala siya nang mag-guest sila ni Arjo sa Magandang Buhay nina Karla Estrada, Jolina Magdangal,  at Melai Cantiveroskamakailan.

Madaling umiyak si Ria pagdating sa usaping pamilya pareho sila ng kuya niyang si Arjo bilang Joaquin sa FPJ’s Ang Probinsyano na akala mo tigasing pulis pero sobrang lambot ng puso.

Kung walang aberya ay kahapon ang first taping day ni Ria ng MMK kasama sinaJoseph Marco at Matt Evans.

Ayaw banggitin ng dalaga kung ano ang kuwento ng episode nila nina Joseph at Matt, “secret na lang po muna, tita Reggee para panoorin mo, ha, ha, ha, ha,” sabi sa amin.

At talagang aabangan ko ‘yan Ria.

FACT SHEET – Reggee Bonoan