HATAW! D'yaryo ng Bayan hatawtabloid.com
NANGHIHINAYANG kami na hindi namin napanood noong Miyerkoles ang episode ng FPJ’s Ang Probinsyano kung anong nangyari sa sagupaan nina Cardo (Coco Martin)at grupo ng nagtitinda ng baboy na lumusob sa bahay nina Susan Roces.
Napanood namin sa trailer na nagkabugbugan na ang grupo laban kay Cardo at inabutan ni Onyok ng dos por dos ang tatay-tatayan niya para magamit nito.
Tinanong namin kahapon ng umaga ang kasama namin kung anong nangyari at sinabing nakulong ang mga nagtitinda ng baboy at si Glen (Maja Salvador) ay may tama raw sa batok kaya galit na galit ang magulang nito na laging nadadamay kapag may gulo si Cardo.
Samantala, may bagong kasong hahawakan si Cardo ang lumalang loteng sa kanilang komunidad. Sa kagustuhang mapag-aral sa private school si Mak-mak (McNeal Briguela) ay ma-eengganyo si Elmo (Marvin Yap) na tumaya sa loteng maski na labag sa batas at walang kasiguraduhang ligtas.
Ano kaya ang gagawin ni Cardo ‘pag nalaman niyang naging sangkot sa ilegal na transaksiyon si Elmo? Mahuli niya kaya ang lider ng loteng?
Abangan ang maiinit na kaganapan sa FPJ’s Ang Probinsyano gabi-gabi sa ABS-CBN o sa ABS-CBN HD (SkyCable ch 167).
FACT SHEET – Reggee Bonoan
