Tuesday , March 18 2025

DFA handa sa foreign policy strat sa WPS case (Sa pag-upo ni Duterte)

NAKAHANDA na ang Department of Foreign Affairs (DFA) sa foreign policy strategy para sa nalalapit na pag-upo ni Rodrigo Duterte sa Malacañang bilang bagong halal na Pangulo, kaugnay sa arbitration case at usapin sa pinag-aagawang teritoryo sa West Philippine Sea o South China Sea.

Ayon kay DFA Undersecretary for Policy Enrique Manalo, nag-ambag na ang mga Embahada ng Filipinas at public stakeholders ng kani-kanilang hakbangin sa naturang plano na layuning isulong ang interes ng bansa sa mga susunod pang taon.

Kasama sa tatlong suporta ng Philippine foreign policy ang economic diplomacy, assistance to nationals at national security.

Ilang umiiral na dayuhang polisiya ang pinanatili ng kasalukuyang pamahalaan at nagdagdag ng mga bagong elemento para sa long-term strategic plan kaugnay sa pinagtatalunang teritoryo sa WPS at mga senaryo sa post-arbitration.

“In preparing our strategy, we are basing it on what has already been there and then we will probably have to build up on that depending on the issue,” sabi ni Manalo.

Habang inihayag ni Lauro Baja, dating DFA Usec. at Philippine Permanent Representative to the United Nations, ang susunod na administrasyon ay dapat maghanda sa pagharap ng hamon sa mga sensitibong dayuhang polisiya lalo sa mga usapin sa WPS.

Aniya, si Duterte at ibang kandidato ay hindi naglabas ng konkretong plano o proyekto sa mga tukoy na isyu na haharapin ng susunod na mamumuno.

“What I like to hear is some specific plans or proposal which could be realized within six years. As I said, issues on territorial sovereignty and maritime entitlements in the South China Sea, these are generational issues. But in the meantime, we need to have specific projects within the time frame of the next  president,”dugtong ni Baja.

Sinabi ni Manalo, kabilang sa mga hamon sa daigdig na haharapin ni Duterte ang pag-angat ng banta ng terorismo, climate change, cybercrime, human trafficking at iba’t ibang paglabag sa karapatang pantao (human rights violations).

Pinayuhan ni Ambassador Jose Romero, pangulo ng Philippine Council for Foreign Relations at Philippine Ambassadors Foundation Inc., si Duterte na sumangguni sa kanyang foreign policy advisers sa pagbuo nang mahalagang pagpapasya sa mga pangunahing foreign policy crisis.

“I think, although he is the President of the Philippines, he is not the only architect of foreign policies,” diin niya.

Malaki ang tiwala nsi Romero na hindi sisirain ni Duterte ang magandang ugnayan o relasyon ng Filipinas sa mga kaalyadong bansa dahil lang sa masamang pananalita ng kanyang bibig.

“I think the minute he sits in Malacañang, he will shed off his T-shirt and put on his barong or suit and behave like a tenant in the Palace. I think he realizes his job,” aniya.

About Jaja Garcia

Check Also

Ailleen Claire Olivarez Paulo Cornejo

Chief Political Officer ng kandidatong mayor tinangkang kidnapin, kumasa

NABIGO ang tatlong hindi kilalang lalaki na nagtangkang mangkidnap sa political officer ni Parañaque mayoral …

TRABAHO Partylist, may malasakit sa mga kababaihang nasa laylayan ng lipunan

TRABAHO Partylist, may malasakit sa mga kababaihang nasa laylayan ng lipunan

MULING pinagtibay ng TRABAHO Partylist ang kanilang pangako na tugunan ang mga sistematikong balakid na …

Para sa mga bomber TRABAHO Partylist, nanawagan ng mas mataas na sahod at maa

Para sa mga bombero
TRABAHO Partylist, nanawagan ng mas mataas na sahod at maayos na kondisyon sa trabaho

NGAYONG paggunita ng Fire Prevention Month sa buwan ng Marso, nanawagan ang TRABAHO Partylist para …

FPJ Panday Bayanihan partylist

Proteksiyon sa Frontliners hangad ng FPJ Panday Bayanihan partylist

ISUSULONG ng FPJ Panday Bayanihan partylist ang Good Samaritan Law upang tiyakin ang proteksiyon para …

TRABAHO Partylist

TRABAHO Partylist pabor sa mandatory 30% local output para sa PH-made vehicles

IDINEKLARA ng TRABAHO Partylist ang kanilang suporta sa iminungkahing magkaroon ng mandatory 30% local output …

Leave a Reply

Your email address will not be published. Required fields are marked *