HATAW! D'yaryo ng Bayan hatawtabloid.com
MAJOR reformat ang gagawin sa game show na Happy Truck Happinas ng TV5 dahil magiging comedy o gag show na ito simula sa Mayo, 2016.
Kuwento sa amin ng taga-TV5 ay kinailangang mag-iba na ng konsepto ang programa dahil hindi nagri-rate at sobrang laki pa ng overhead sa rami ng binabayarang tao at hosts.
Kaya ang ending, marami ang natanggal na taga-production dahil hindi naman daw nila forte ang comedy o gag show at kumuha ng mga taong galing sa Wow Mali at Tropa Mo Ko Unli na parehong gag show ng TV5.
Wala pang nabanggit ang nagkuwento sa amin kung ano na ang bagong timeslot ng Happy Truck Happinas at ang bagong titulo nito.
Dagdag pa ng nagkuwento sa amin, ”need mag-rate ang new show nina Ogie (Alcasid) at within a month lang ‘yung palugit dahil kung hindi, tsugi na sila.”
Ang tindi naman ng challenge ng TV5 management sa bumubuo ng Happy Truck Happinas.
FACT SHEET – Reggee Bonoan
