Gun ban violators 3,000 na

UMABOT sa mahigit 3,000 ang bilang ng mga lumalabag sa ipinatutupad na gun ban ng Comelec.

Batay sa pinakahuling datos na inilabas ng PNP, nasa 3,211 ang mga naaresto, 24 dito ay mga miyembro ng pu-lisya.

Ayon kay PNP spokesperson Chief Supt. Wilben Mayor, sa nasabing bilang, 3,091 sibilyan ang naaresto; 15 ang mga sundalo; isang miyembro ng BFP; 22 ang elected at government officials; 39 security guards; tatlong CAFGU; anim pang ibang mga miyembro ng law enforcement agencies; lima mula sa threat groups at lima rin mula sa private armed groups.

Habang 2,540 ang nakom-piskang mga baril ng mga awtoridad kaugnay ng Comelec gun ban.