Camp Crame nasunog

SUMUGOD ang mahigit 20 firetruck sa loob ng Camp Crame, Linggo ng gabi nang masunog ang isang officer’s quarter.

Binalot nang makapal na usok ang 10 Alpabeto Street nang masunog ang isa sa mga kuwarto rito at kumalat ang apoy sa buong bahay.

Napag-alaman, ang lugar ay tinutuluyan ni Police Director Napoleon Taas ng PNP Information and Communications Technology Management.

Wala si Taas sa bahay nang mangyari ang insidente.

Winasak ng mga bombero ang pintuan at salamin ng mga bintana para makasingaw ang usok.

Inabot ng isang oras bago makontrol ang apoy na hinihinalang nagmula sa aberya sa koneksiyon ng koryente.