200 pamilya nasunugan sa Quiapo

MAHIGIT 200 pamilya ang nawalan ng bahay makaraan masunog ang Golden Mosque compound sa Quiapo, Maynila nitong Sabado ng gabi.

Ang sunog na naganap sa Globo de Oro kanto ng Gunao St. ay umabot sa ikalimang alarma bago na idineklarang fire-out ng mga bombero.

Sinabi ni arson investigator SFO4 John Joseph Jaligue, mahigit 100 kabahayan ang natupok sa nasabing sunog.

Mabilis na kumalat ang apoy dahil pawang yari sa light materials ang kabahayan.May ulat ding may sumabog na LPG tanks habang nagaganap ang sunog.