Killer ng parak sa Bulacan tiklo

NAARESTO ng pulisya ang isang hinihinalang hired killer makaraan ang dalawang taon pagtatago sa isang lugar sa San Miguel, Bulacan kahapon ng umaga.

Sa ulat mula sa San Miguel PNP na pinamumunuan ni Supt. Joel Estaris, ang suspek ay kinilalang si Rogelio ‘Itching’ Orteza Saycon, nasukol sa kanyang pinaglulunggaan sa Brgy. Labane sa naturang bayan.  

Nabatid sa ulat, si Saycon ay may warrant of arrest kaugnay sa pagpaslang sa isang pulis noong 2014.

Nakompiska sa pag-iingat ng suspek ang isang kalibre .45 pistol, mga bala, hand greanade, dalawang sachet ng shabu at drug paraphernalias.

Si Saycon, nakadetine sa San Miguel Police Station, ay nahaharap sa kasong paglabag sa sa Comprehensive Firearms and Ammunition Regulation Act.