Baby idinamay ng tatay na nagbitay (Nanay bumalik sa unang pamilya)

NAGA CITY – Natagpuang nakabigti ang isang 22-anyos lalaki at kanyang apat buwan gulang na sanggol sa bayan ng Basud, Camarines Norte, kamakalawa.

Ayon sa ulat ni Chief Insp. Rojelyn Calandria, hepe ng Basud PNP, iniwan ng live-in partner niya si Don-Don Ebdani, dahil sa problemang pinansiyal.

Hindi matanggap ni Ebdani na nakikipaghiwalay sa kanya ang kanyang kinakasama na nagpasyang bumalik sa una niyang pamilya at mga anak.

Tumanggi si Ebdani na ibigay ang kanilang anak na babae sa kanyang live-in partner at sinabing ibibigay lamang ang sanggol kapalit ng pakikipagbalikan sa kanya.

Natagpuan na lamang ng ina ni Ebdani ang kanyang anak at apo na nakabitin sa kisame gamit ang nylon rope sa kanilang bahay sa Brgy. Pinagwarasan sa nasabing bayan.

Ayon kay Calandria, wala silang nakitang foul play sa insidente.