5,000 Uber ibinasura ng LTFRB

IBINASURA ng Land Transportation Franchising and Regulatory Board (LTFRB) ang mahigit 5,000 applications ng app-based transportation service na Uber.

Sinabi ni Atty. Ariel Inton, isa sa boardmembers ng LTFRB,  hindi nakapagsumite ng ‘formal offer of evidence’ ang mga aplikante kaya nila ito ibinasura.

Dagdag pa niya, binigyan nila nang sapat na panahon ang mga ito noon pang Oktubre 2015.

Habang aabot sa 11,727 applications mula sa Uber ang kasalukuyang nasa opisina nila.

Umaasa si Inton na sa kanilang ginawang ito ay mawawala na ang maling paratang sa kanila na pinapaboran nila ang nasabing ahensya.