Matteo, nagbababad sa condo ni Sarah

NAGTATAKA ang kampo ni Sarah Geronimo kung saan nanggagaling ang mga balita tulad sa nagsasariling manirahan sa condo ang singer/actress.

“Nakakapagtaka kung saan nanggagaling ‘yung may condo na siya (Sarah), feeling nga namin galing lahat ‘yan sa kampo ni Matteo (Guidicelli), kasi ‘di ba, bawat lakad nila, lahat ng nangyayari like birthday or nag-date, galing mismo sa camp niya, eh,” sabi sa amin.

Sabi namin na hindi maiiwasang walang mag-post lalo na kung mga fan nina Sarah at Matt ang nakakita at hindi naman maiiwasang hindi maglabasan sa social media dahil natutuwa sila kaya ipino-post kaagad at para malaman din ng iba pang kasamahan nila.

Hindi ito type ng kampo ng aktres na sa bawat kibot ay naipo-post na sa social media o kaya ay nasusulat na.

Sa isyung nagbababad sa condo ng dalaga si Matteo, ”I’m sure naman, hindi naman papayag si Sarah sa alam mo na, hindi ganoon ang takbo ng utak niyon. At sa tingin ko rin kay Matteo hindi rin siya ganoon na mag-take advantage,”pahayag ng kampo ng dalaga.

Katwiran namin, ”if ever naman na may mangyari, hindi naman din mabubuntis si Sarah dahil alam niyang pangalagaan ang sarili niya.”

FACT SHEET – Reggee Bonoan