HATAW! D'yaryo ng Bayan hatawtabloid.com
ISA pang ipo-produce ng Cornerstone Concerts ay ang first major concert ng tinaguriang Mother Queen na si Karla Estrada na Her Highness na gaganapin sa KIA Theater, Araneta Center sa Abril 30.
Natatawang kuwento ni Erickson Raymundo, producer, nagulat si Karla noong alukin niyang mag-concert at sabay tanong ng, ‘bakit ako? Sure ka?’
At nag-meeting na raw sila at sa ikalawang meeting ay nabanggit ni Karla kung puwede siyang mag-back out dahil kabado siya, pero sa kalaunan ay okay na rin.
Samantala, tinanong naman namin si Karla kung ano ang preparasyon niya sa nalalapit niyang concert?
“Swimming lang at exercise para lumakas ang lungs,” sagot ng aktres.
Hindi pa alam ni Karla kung sino-sino ang special guests niya, pero tiyak na raw siVice Ganda at mga nakasama niya sa Your Face Sounds Familiar.
Audience lang daw ang partisipasyon ng anak niyang si Daniel Padilla sa tanong namin kung kasama sa guest.
FACT SHEET – Reggee Bonoan
