HATAW! D'yaryo ng Bayan hatawtabloid.com
SUNOD-SUNOD ang mensaheng natanggap namin noong Martes ng gabi tungkol sa ipinost ni Kris Aquino sa kanyang Instagram na nagpapaalam na sa ABS-CBN pagkalipas ng 20 years at sa lahat ng sumusubaybay/tumangkilik sa kanya.
Pinasalamatan din ni Kris ang lahat ng nagtitiwalang endorsements niya na patuloy siyang sinuportahan at nabanggit din nito ang mga negosyong naipundar niya.
Iisa ang tanong sa amin, ”is this for real? Anong nangyari, bakit?’
Wala naman kaming maisagot dahil nasabi na lahat ng Queen of All Media ang sagot sa tanong ng lahat.
Ang nagulat lang ng husto ay ang buong Kris TV team nang mabasa raw nila ang post ng host nila dahil base sa huli nilang paghihiwalay ay ang saya-saya raw nito at ganado pang magtrabaho.
Hindi naman daw nabanggit sa kanila ni Kris na lilisanin na nito ang showbiz base sa mga post niya baka lang daw kasi masama ang pakiramdam ng TV host/actress kaya nag-emote kasi nga naman hindi rin biro na nagpa-fluctuate ang blood pressure niya.
Nasanay na rin naman sila kay Kris na kapag okay na ang pakiramdam ay back to work na ulit kaya bulaga raw ang post na ito ng Queen of All Media.
Habang tinitipa namin ang balitang ito ay hindi pa dumarating si Kris sa set ngKris TV na may taping siya base na rin sa post niya na may two taping days na lang siya, kahapon at ngayong araw, Huwebes.
Kung magbabalik-tanaw tayo ay matagal ng sinasabi ni Kris na gusto na niyang magretiro sa showbiz sa edad na 40, pero hindi natuloy dahil umabot pa siya ngayong 45 years old nitong nakaraang Pebrero 14.
Suportado naman ng Kris TV team ang anumang desisyon ni Kris para sa ikabubuti niya at sa dalawang anak niyang sina Josh at Bimby.
FACT SHEET – Reggee Bonoan
