HATAW! D'yaryo ng Bayan hatawtabloid.com
MARAMI ang nagtatanong sa amin kung anong next project ni Richard Yap dahil nawala na siya sa FPJ’s Ang Probinsyano ni Coco Martin.
Ang alam namin ay magkakaroon ng teleserye si Richard hindi lang namin alam kung anong titulo at sino ang makakasama, pero ang sigurado ay under ito ngDreamscape Entertainment.
Ang nakatutuwa, may nagsabi sa aming magkakaroon daw ng concert si Richard kasama si Richard Poon ngayong Agosto.
Kaagad naming tinanong si Caress Caballero ng Cornerstone TalentManagement Agency kung totoong may concert nga ang dalawa.
“Actually birthmate, plano palang, pero sure na mayroon, hindi lang alam kung August o September, depende sa availability ng venues at iba pang concerns.
“Dapat mauuna munang lumabas ang album nilang dalawa, yes birthmate magko-collaborate sina Richard Poon at Richard Yap sa album, mostly covers ang songs.
“Si Richard Poon, siya mismo ang magpo-produce at mag-aareglo ng songs niya at si Richard Yap ay si Jonathan Manalo. Baka-co produce ito ng Cornerstone at Star Music.
“As of now ay wala pang title ng album, pero definitely, same title rin ng concert ng dalawa.
“Target release ng album ay June, so hopefully habang nagpo-promote ng album, patungo na rin sa concert ng August kung kakayanin,” detalyadong kuwento sa amin ni Caress.
( REGGEE BONOAN )
