Naimprintang balota 6.5-M na — Comelec

PATULOY ang pag-imprenta ng National Printing Office (NPO) sa mga balotang gagamitin sa May 9 elections kahit holiday kahapon.

Ayon sa Commission on Elections (Comelec), nasa 6.5 milyon na o 11.66 porsiyento sa kabuuang total na mahigit 55.7 milyon ang mga naimprentang balota kabilang na ang mga gagamitin sa overseas absentee voting at sa Autonomous Region in Muslim Mindanao (ARMM).

Habang nasa dalawang milyon ang dumaan na sa verification process, at 1.8 milyon o 3.36 porsiyento ang pumasa sa proseso o hindi nakitaan ng ano mang problema.

Kasalukuyang iniimprenta ang mga balotang gagamitin sa Regions 2, 3, 4-B, 6, 7, 8, 10, 11, 12, 13 at Cordillera Administrative Region (CAR).