HATAW! D'yaryo ng Bayan hatawtabloid.com
ISANG dating point guard sa PBA ang magiging isa sa mga assistant coaches ni Egay Macaraya sa San Sebastian para sa NCAA Season 92 men’s basketball.
Kinompirma ni Macaraya sa press conference ng kanyang koponan sa PBA D League na Café France noong Lunes na kinuha niya si Eugene Quilban para makatulong sa coaching staff ng Stags na hindi pa nagkakampeon sa NCAA mula pa noong panahon ni Calvin Abueva noong 2009.
Dating magkakampi sina Macaraya at Quilban sa Stags noong dekada ’80 at pagkatapos ay naglaro si Quilban para sa Pepsi, Alaska, Pop Cola, Sta. Lucia at Davao Eagles ng Metropolitan Basketball Association.
Hawak ni Quilban ang all-time record na 28 assists sa PBA noong naglaro siya sa 7Up noong 1992.
( James Ty III )
