Ganting hakbang ni Bongbong

HALOS dalawang buwan ang itatagal ng campaign period sa mga kandidato para sa national position gaya ng pagka-presidente at bise presidente, na magsisimula sa Pebrero 9 hanggang Mayo 7.

Sa dalawang buwang campaign period, inaasahan ng kampo ni Sen. Bongbong Marcos na magiging matindi ang binabalak ng kanyang mga kalaban sa politika para siya sirain at hindi manalo sa pagka-bise presidente.

Tiyak na uulanin ng mga paninira si Bongbong na gagawin ng kanyang mga kalaban. 

Sari-saring special operations o dirty tricks ang ilulunsad pero tinitiyak ng senador na tatalbog lamang ang gagawing paninira laban sa kanya.

Sa halip na tapatan ang paninira, magiging sandigan ni Bongbong ang katuwiran at pananalig sa taumbayan na higit na paniniwalaan ang kanyang pagpapaliwanag partikular na ang kanyang mga programa o plataporma-de-gobyerno.

Gasgas at sirang plaka ang linyang gagamitin ng kanyang mga kalaban, lalo  na  ang  kasalukuyang   adminis- trasyon na desperadong gibain ang senador at hindi manalo sa darating na halalan.

Hindi magtatagumpay ang gagawing paninira kay Bongbong. Mananalig siya sa katalinohan ng sambayanang Filipino.