Diet, ‘nadala’ sa pakikipaghalikan kay Meg

Kaya si Diether Ocampo na lang ang tinanong kay Meg bilang leading man niya kung kumusta naman kaeksena.

“Sobrang okay naman po and hindi naman po mahirap. Naninibago lang ako sa kanya kasi ang lalim pala talaga ng boses niya (sabay ginaya),” kaswal na sabi ng aktres.

At dahil marami silang kissing scenes ni Diether kaya natanong si Meg tungkol dito.

“Okay naman po. Siguro po, minsan nadadala (Diet sa love scene),” tila nadulas na sabi ni Meg.

Paanong nadadala?

“Teka, paano ba, ang hirap i-explain, ’yung kiss kasi, minsan, feeling mo, parang aggressive, I don’t know if role ’yun talaga na kailangan sa scene. Hindi ko kasi alam, kasi ako smooch-smooch lang,” natawang paliwanag ni Meg.

Sa madaling salita, nanamantala o agresibong humalik ang aktor.

“Minsan, may time (na ganoon). Siguro, ganoon lang po talaga or iba-iba lang po siguro ang way, eh,” nangingiting sagot ng dalaga.

Anong reaksiyon ni Meg, “wala po, inisip ko na ganoon nga, hindi ko naman kasi alam kung ganoon ba talaga siya (Diether) humalik.  So far wala naman akong naramdaman na nag-advantage.

“Noong unang scene po namin, nagsabi siya kung ‘okay lang ba ako’ so, parang way niya na ganoon talaga, kasi mga sumunod na scene hindi na niya ako kinausap.”

Maganda ang pasok ng 2016 kay Meg dahil dalawa kaagad ang programa niya sa TV5 na produced ng Viva TV, ang Bakit Manipis ang Ulap at ang Wattpad Presents:  My Casanova Husband na mapapanood sa ikatlong linggo ng Pebrero kasama si Derek Ramsay.

Bago ang My Casanova Husband ay mapapanood muna ang episodes na Mysterious Guy at the Coffee Shop, My Soul Mate nina Yassi Pressman, Ela Cruz, at Bianca King.

FACT SHEET – Reggee Bonoan